SANTO ESTEVO, INTEGRACIÓN NA PAISAXE
Domingo 27 de outubro
Propoñémoste percorrer, cámara en man, os entornos naturais mellor conservados e a arquitectura popular da zona de Santo Estevo, así como unha das xoias do románico mundial. O Mosteiro de Santo Estevo. Percorreremos os sendeiros e camiños das ladeiras do cañón do sil, onde se amorean os castiñeiros centenarios. Descubriremos a fotografía de paisaxe, capturaremos as mellores imaxes da arquitectura popular e aprenderemos a aplicar as reglas de composición e iluminación máis importantes, tamén cando caia a noite.
Traete cámara e trípode se tes, o desprazamento, visitas patrimoniais guiadas e formación fotográfica vai da nosa conta.
--
Saimos en torno as 8.30h da mañán e chegamos entrada xa a noite dende o centro de Ourense.
40 €/persoa
Grupos moi reducidos (6-10 persoas)
INCRÍBETE e INFÓRMATE en:
Tamén podes facelo chamando ao 659655734 ou ao 691533035.
Foto-roteiros culturais ?
Os roteiros patrimoniais son unha actividade fotográfica que pretende achegar aos participantes elementos senlleiros do noso patrimonio natural e cultural. Aprender a valoralos a través do descubrimento, o coñecemento e a interpretación. Todo isto a través do visor dunha cámara fotográfica e da man de profesionais do patrimonio cultural e natural.
Entendemos a conservación da natureza e da cultura tradicional na Ribeira Sacra como algo integral que é preciso poñer en valor a través do seu coñecemento profundo, ao paso do camiñante e retratando os valores únicos desta terra grazas a fotografía.
O Outono Fotográfico supón un marco ideal para promover actividades duais fotográfico - culturais na zona da Ribeira Sacra, que permitan achegar á poboación galega interesada pola fotografía unha forma orixinal e única de aprender e descubrir o noso rico patrimonio natural e cultural.
Organizan:
